انـا برسـل فاكس الى عند الجمل وأشوف كيف أخباره

البـدع // عطيـه بــن عـبـدالله الدهيـسـي

***

الله اكبر كم لي انشد عنك وش غيبك يـا سمحـان

غيبتك طالت عن الوديان والضلعـان يـا سمحانـي

من سنيـن طايلـة مـا عنـك لا علمـاً ولا خبـر

والله اني اتلمس الاخبـار وش ضيعـك يـا جمـل

هو قدر من خالقي وإلا المواتـر ضعيـت مقـداره

حسبي الله ع المواتر وأهلهـا والهاتـف الجـوال

لو غدا به نمر قلنا ان الجمل من صيـدت النمـور

راح في سياره لا لوحه وجنـب المحرقـة مرميـة

كتفوا رجليه وايدينه ولا هو حـي ولا هـو مـات

ورمو بـه فـي ظـلام القبـر يـا لله لا فضحتنـا

يا نديبي خل مشـوارك وانـا بكفيـك مـن عنـاه

انا برسل فاكس الى عند الجمل وأشوف كيف أخباره

وان كتب دعـوى نشرهـا ودورنـا لهـا حلـول

وانا والله ما بصدق في كلام عبـر سلـك الهاتـف

لعن ابو وارد عـراوي ضيعـت سمعـت جمالنـا

****

الــرد/ عطـيـه بــن عـبـدالله الدهيـسـي

***

الخطاء مسموح واما الظلم بعده ما يجـي سمحـان

والله يا ظلم القرابة ما يجي من بعـده السمحانـي

والسارير عند ربي وانشـد اهـل الكبـر والخبـر

لا تنسق هرجـك المعسـول وترتـب لـي الجمـل

وانا مؤمن بالقضاء خيره وشره واعترف باقـداره

اكتسبت الخبـرة بالروحـات والجيـات والتجـوال

انا فكيـت الطلاسـم والرمـوز وحاسـب النمـور

ميه (المر) مرة واحدة شارب من (الحلو) لو شربت

والله ما دور مع خلـق الله لا نـزوة ولا وهمـات

والذي خايف من اهل الظلم لـو يتنافـض احتنـى

ودي أن الظلـم مخلوقـاً وبعـد المـوت شيعانـه

خل دكتور المعامـل يـوم قـدر للـدواء مخبـاره

ليته ما قارن دمـي النـاس بالكيمـاوي المحلـول

استمع وأصغى لمن جاله في العقل الخلل والهاتـف

والعلـل لا ماكشفناهـا تغـيـر مــن جمالـنـا

عدد المقيّمين 1 وإجمالي التقييمات 5