عندي يقين إنك عن أهل الهوى غير
- الشعر الشعبي والنبطي والفصيح
- 28/4/2013
- 1831
- الشاعر حسن عبدالله المالكي
عندي يقين إنك عن أهل الهوى غير
وانك بعيني .. غير كل الحبايب
وجه السعد .. طعم الفرح .. وأول الخير
همس المسا... ريح المطروالهبايب
لوقلت أحبك ... صار بالهرج تقصير
وان قلت أعزك .. صار فيها طلايب
من فين الاقي وصف واكتبك تعبير؟
وأنا قصيدي فيك لليوم خايب
كيف أشرحك عشقي وأنا أجهلك تفسير؟
كيف أشعلك نبضي وجوفي لهايب ؟؟
مرات أحس انك فضا واني الطير
ومرات أنا رمضا وأشوفك سحايب
أمشي بدربك واعرف أن المقادير
ساقت خطاي بقلب هايم وذايب
والله ماللحب عندي معاذير
عذر الهوى ... لا صار راعيه غايب
يابنت لوعشقي معزه وتقدير
ماكان في القصه غموض وغرايب
ماكان وراني بحكمه وتدبير
انك بعشقك فوق سبع العجايب
ماكان علمني وآنا باقي صغير
انك هلي .. ناسي .. وكل القريب
عدد المقيّمين 0 وإجمالي التقييمات 0
أضف تعليقك على الموضوع