جيت أكتب اشوق وظهر خافي إحساسي

جيت أكتب اشوق وظهر خافي إحساسي
عيت حروف الوفاء تنصاع بسهوله

مهما توجدت شح الحب من كاسي
وأحلام عشق الكتابه خارج الجوله

في زحمة الناس ضاقت نزعت إحساسي
مليون عاشق وشمس الحب مجهوله

هي كذبة ابريل وإلا كذبة الخاسي
زيّـف حقائق وشكك كل من حوله

ولا عيوب الزمن في عصرنا القاسي
وقت إختلاط الشعور بنفس موصوله

مليّـت كذب الملا وأتعبت هوجاسي
واخترت عيشت مخاوي الليل بحلوله

واليوم أنا عزوتي بنّي ومحماسي
والهيل لامن تبهّر زاد مفعوله

تجلى هموم السنين وينعدل راسي
مع شبّت النار تسري جمعّة اخيوله

في وادي الحب صادق كل جلاسي
مابه فشايل ولابه ناس مخبوله

صدقي وعشقي وشوقي كلهم ناسي
والكذب والحقد والزلات معزوله

تطرب حروف الغلا راسي وكراسي
واكتب عن أجمل شعور ابيسر وسهوله