ماعشقت إلا المراقيب المطله
- الشعر الشعبي والنبطي والفصيح
- 19/6/2013
- 1699
- من كلمات شاعر ناصر عبدالله الحارثي
ياحسن سلم على ناصر وقله
وبلغه مني عظيم الاحترامي
ايه قله باني اعزه واجله
شاعر شعره يثير الاهتمامي
شاعراً لا سل سيف الشعر سله
ولايرده دام سيف الشعر حامي
لين يرسي كل حرف في محله
ولين تروى من قريحته الضوامي
كن روح الشعر في نفسه جبله
كنه أول مانطق به مالكلامي
ايه ياناصر ونا والله ولله
ما استلذ الشعر واعتبره لزامي
كود لامني شعرت بحاجة له
واشتعل صدري وضاق بي المقامي
قمت اقلب مفرداته واستحله
واستبيح الحل من دون الحرامي
عله يداوي بقلبي كل عله
وعله يلامس جروح ماتنامي
والجروح كثا ر والموضوع كله
قسوة الواقع وهقوات المرامي
كلما وردتها عــد تدله
صدرت من دون لا ترد الحيامي
لاتحسب اني خذيت العشق مله
واشتكيت العشق وعهود الغرامي
والله اني يوم كلاً حب خله
واكتوى قلبه وعذبه الهيامي
ماعشقت إلا المراقيب المطله
ولانخيت إلا العزيزين الكرامي
بس اشوف الوقت كنه مال ظله
وانحنت شمسه تحت قوس الظلامي
الزمن يعقد حجاجه مايفله
والبشر ماهي على كبر الاسامي
الوجيه اللي من اول مسفهله
قام يسفاها عجاج الانهزامي
والمصالح شكلت كل الادله
واثبتت للناس صح الاتهامي
وانت صاحب تجربه ماهي مقله
بين نبل وطيب واخلاق وتسامي
لالفاك العلم جل العلم جله
والسلام عليك وعليك السلامي
عدد المقيّمين 0 وإجمالي التقييمات 0
أضف تعليقك على الموضوع