الفوز ماهو فوز كـورة وبالـوت
- الشعر الشعبي والنبطي والفصيح
- 20/7/2013
- 1641
الشاعر سعد بن جذلان من شعراء المملكه العربيه السعوديه المشهورين ويحظى بشعبيه كبيره في كافة مناطق المملكه وقصائده جميعها متميزه.
***
الفوز ماهو فوز كـورة وبالـوت
ولا شعـر ولا مـزايـن قبـايـل
الفوز والله توبة تسبـق المـوت
قبل الوداع وقبل شـد الرحايـل
الروح مثل المال والموت ساحوت
والموت مايفرق بقاصـر وطايـل
هذي نصيحة جد والعلـم مثبـوت
ولاخيـر فـي قـولٍ بليـا دلايـل
تغانمو الاوقات والوقـت موقـوت
الوقت مثل الظـل والظـل مايـل
يالي تخطط لك مشاريـع وبيـوت
في طاعة المعبود كيف انت قايل
نسيت بيت الآخرة وانت مبهـوت
ماعاد تنفعـك الحيـل والتحايـل
مجاورٍ لك عالـمٍ لكـن سكـوت
في ساعة فيها تشوف الهوايل
النصح واجب قبل لايفوتك الفـوت
النار يامسكين تعمـل عمايـل
قلته وانا مقصر لكن برفع الصوتً
يالي تبون الفـوز والشـك زايـل
الفوز والله توبةٍ تسبـق المـوت
قبل الوداع وقبـل شد الرحايل
عدد المقيّمين 0 وإجمالي التقييمات 0
التعليقات على المقالة 1
شاعر القوم24/7/2013