عطيه بن عقدان (من هدرة الموج الازرق صاح قاع البحر)
- الشعر الشعبي والنبطي والفصيح
- 4/10/2013
- 1765
- ابوسامي
الرياضه في بلادنا ولله الحمد في تطور مستمر وتنافس شديد بين الانديه خاصه اندية الدوري الممتاز والتنافس الغير طبيعي بين الاهلي والاتحاد والهلال والنصر والشاعر القدير عطيه بن عقدان صاغ هذه الابيات وتعتبر من عيون الشعر والادب بما تعنيه الكلمه رائعه جدا واشاد بها الكثير ممن اطلع عليها صح لسانك يابوفارس اجدت وابدعت ياشيخ.
***
***
من هدرة الموج الازرق صاح قاع البحر
وتحركت كـل داناتـه وفـك المحـار
واللول الابيض على الشاطي طلع وانتثر
على خدود الشواطـي للعقـود انتشـار
لون السما عانق الامواج وبهـا انكسـر
ازرق على ابيض ومنظر فيه كل انبهار
اذا الهلال اكتمل في الكون يصبح بـدر
نوره يشعشع ويسطع فوق كـل الديـار
من عاندك يا الزعيم يذوق حـر الجمـر
ويصير طول العمر في بهذلـه وانعثـار
هذا الهلالي خصومه من قهر في قهـر
حطّم عناد الغرور وجاب كـل الدمـار
مع احترامي لكـم يامشجعيـن النصـر
خلاص لاتحلمون بفـوز والا انتصـار
يمكن بعد كـم سنـه والا نهايـة دهـر
تتحقـق احلامكـم وتقارعـون الكبـار
اقولهـا للـذي مـن بعدكـم ينتـظـر
باقي تشوفون الازرق ساعـة الانفجـار
نصيحتي يالمعانـد خـذ دروس وعبـر
ترى الزعامه للازرق ليـل والا نهـار
خلك هلالي وتصبح مـن عـداد البشـر
ويصير لك بين خلق الله حَسَبّ وإعتبـار
وختامها كل تقديـري لمـن هـو عبـر
روحي معاكـم رياضيـه بكـل إقتـدار
عدد المقيّمين 0 وإجمالي التقييمات 0
أضف تعليقك على الموضوع