أمشي وهمي جبل يمشي معي وين أروح
- الشعر الشعبي والنبطي والفصيح
- 9/10/2013
- 2783
- مما اعجبني للشاعر مساعد الرشيدي
أمشي وهمي جبل يمشي معي وين أروح
أزريت أشيل الجبل وأزريت لا أفارقه
كل الخطاوي تعب كل الليالي جروح
أرضي هجير وسمايه شمسها حارقه
ماغير روح التحدي في عروقي تفوح
قوة صمودي على جور الزمن خارقه
هذا وأنا عزتي دايم قبالي تلوح
لين أصبحت في حياتي ميزة فارقه
أرفض شعور الندم وأرفض طمان السفوح
لو كان فيه الحياة أغصونها وارقه
مادام فيني نفس يذري وفيني طموح
باب وراه إعتزازي...طارقه..طارقه
رغم إمتداد التعب عيا يموت الطموح
والشمس بكره ورغم أنف الدجى شارقه
عدد المقيّمين 0 وإجمالي التقييمات 0
التعليقات على المقالة 2
احمد الكريمي5/3/2015
شاعر حزين9/10/2013