الشاعر سالم الغفيري

الشاعر سالم الغفيري من الشعراء المعروفين وله الكثير من القصائد وهو شاعر متمكن يجيد شعر النظم والعرضه والقلطه وله الكثيرمن الامسيات والمحاورات مع الكثيرمن الشعراء.

***

قـال الغفيـري يـوم بـدع المعانـي
مـن هاجسـا غنيـت بـه يالسانـي
قولا يشـرف عنـد قاصـي ودانـي
أ ذكـر بـه الطيـب وناسـا يسـرون
يعلم به اللـي عارفـه كـل عيـه
***
أذكر بها اهل الجـود واهـل المعـزة
واقولهـا فـي كـل وقتـا وحــزة
وأي الهدف لـو طيحـه مـن يـرزه
ماكا شفنـا اللـي للاهـداف يرمـون
وبعنا الحزام اللـي مـع البندقيـه
***
ابامدح الطيب ومـن ضـاق يرضـى
مدح الوفي واجـب علينـا وفرضـا
واسير فـي الدنـا بطـولا وعرضـا
واكسب رجالا حزة الضيـق يشفـون
يكونون عونـي لـو بلانـي بليـه
***
واللـي ردي بيـن المطاليـق خايـب
يرميك الى قفيـت وان كنـت غايـب
والمصلحـه عنـده تكـون السبايـب
واهل المصالح في قسى الوقت يخشون
وروحي عن اصحاب المصالح غنيه
***
يابن ادم اللي فـي غـرورك مكابـر
لابـد ماتسـكـن ظــلام المقـابـر
والكل منا فـي سـرا الارض عابـر
لاتكفـرون ابنعـمـة الله وتطـغـون
ولاينفـع الانسـان روحـه وجيـه
***
مـالا بـدون احسـان ماهـو بنافـع
لصاحبـه فـي القبـر ماهـو بشافـع
اللي قضى عمـره للامـوال جامـع
يرحل وماله فـي صناديـق مخـزون
خسر جنة اهل الخير واختار شيّـه
***
مـن واجـب المسلـم لربـه يصلـي
ويعطي المحتـاج الـى جـا وحلّـي
وينصـح اللـي غـافـلا لايضـلـي
الـى طريـق الحـق قـدام ينسـون
بحكم الذي سيـر شموسـا وفيـه
***
الواحد اللي في اهل الشـرك يوعـد
فـي النـار للكفـار تضـوي وتوقـد
يحرق بها اللي عاصي امره ويجحـد
يقبل به اللي حشمة رضـاه يسعـون
وسهل على المسلـم دروبـا عنيـه
***
نرجيـك ياربـا عظيـمـا جـلالـك
تجيب من نادى بصوتـه رجـى لـك
انت الـذي جمـع الخلايـق تسالـك
باسمك عبـادك كـل لحظـه يلبـون
ولاجلك سجد حتى الغصون النديـه
***
يارب تغفر ذنب مـن كـان مخطـي
ماخاب مـن يطلبـك ياخيـر معطـي
فضلك لمـن يدعيـك ماهـو بمبطـي
واللي دعوا لـك بالرجـا مايطيحـون
نصرت الذي ناداك فـي القادسيـه
***
يالله ياعـالـم خفـايـا الـخـلايـق
تسهل خطا عبدك مـن اللـي عوايـق
انت الـذي تـدري بجمـع الحقايـق
من خشيتك حتـى الشياطيـن يبكـون
هني النفـوس الـي بحبـك ثريـه
***
يالله تهـديـنـا لـدنـيـا وديـنــا
وتجعـل الجـنـه سـكـن والديـنـا
ياللي علـى جمـع المصايـب تعينـا
نصبر علـى حكمـا مقـدر وممنـون
برجواك تعطينـا جزيـل العطيـه
***
يالله لاتعمـي العيـون البصـيـرات
ولاتخلـي كـف جـيـد قصـيـرات
ولاتعنيـنـا الــدروب العسـيـرات
ياباعثـا خلقـك بعـد مـا يمـوتـون
تهل حسابي فـي القبـور الخليـه
***
استر خفانا وانـت راعـي الستيـرة
وارحم عبيـدك مـن خطايـا كثيـره
الادمــي دايــم ذنـوبـه كبـيـره
يضحك عليه ابليس وابليـس ملعـون
ويالله تسامحنـا علـى كـل سيـه
***
اطلبك ياللـي شـع نـور الشروقـي
الواحـد اللـي يعلـم السـر فوقـي
منشي سحابـه والمطـر والبروقـي
جميع خلقـه تحـت حكمـه يطيعـون
الها كسـى لحـم العظـام العريـه
***
أوصيـك ياللـي تاخـذ العلـم منـي
يابـوي ياحمـد لاتخـيـب بظـنـي
خلـك علـى الغلطـان سيفـا يسنـي
اقطع كفوف اهـل الـردى لايمـدون
ولاتاخـذ الا حـق وافـي وأسيـه
***
وان جاك من عادى هلـك لاتصافيـه
لو كان يبـدي لـك سرايـر خوافيـه
خلـك مـع ربعـك عـدوك مجافيـه
ولاتطيـع اللـي لفتـنـه يـوشـون
وانا ابوك ياحمد جتك مني وصيـه
***
احفظ حقوق الله في الشـرع والديـن
ولا حكمت اطلـب شهـود ومواميـن
وعامـل الضعفـا بطيبـا مـع ليـن
الـى دعـوا لـك بالخيـر يجـزون
ومن يعمل المعروف يجزى بزيـه
***
واوصيـك لاتمشـي ورى كـل رادي
يشرد ويرمـي بـك بوجـه المعـادي
يحـوم طيـر البيـن لـك والحـدادي
خلك مع اللي حـزة الضيـق يبـدون
رجالا تقف دونـك نهـار الدعيـه
***
انصحك وانا ابـوك لاتقـرب الـلاش
اللـي يفيـد التنبـلـه والتـحـراش
في الهينـه يجيـك فـازع وهـواش
بالسيف والجنبيه اللـي مـع الشـون
يقـول انتـه اللـي قاتـلا والديـه
***
وانصحك الى جافتـك سـود الليالـي
اصبر كما تصبـر فحـول الجمالـي
علـى الحمـول الجايـره والثقـالـي
لاحملوهـا البـدو بخيـام وظـعـون
تهادر وهـي تحمـل بشـر البليـه
***
اوصيك تغدي بيـن الاجـواد معـدود
بيض الوجيه اللي لهـم مابـدا سـود
ترى الفتى يذكـر الـى قـدم الجـود
واما الـردي قومـه عنـه مايسالـون
ولو كان يملـك مـال والا رعيـه
***
واختم وصاتـي واطلـب الله يحميـك
في كل خطوه عيـن ربـي تراعيـك
وارجي من الله خالق الكـون يهديـك
الواحد اللـي نـزل الصـاد والنـون
بذكره قلوب اللـي فقـارى غنيـه
***
ماهي مراجل مـن يجافـي صديقـه
المرجلـه للـي يـوصـي رفيـقـه
الى مشـى نـورا يضـوي طريقـه
الى بات من ضيم الرجاجيـل مغبـون
يقف دون ابن عمه لسهـم المنيـه
***
هذا المراجل وانشـد اهـل المراجـل
وسالـوا العـراف بـيـن القبـايـل
اللـي لهـم ذكـر الوفـا والفعـايـل
يوم الردي من دون في دون فـي دون
هل الطيب واهل العرف والقابليـه
***
ترى القبيحـه فيـد راعـي القبيحـه
ماهمـه اللـي مخطيـه والفضيحـه
اللـي لضيـفـه مايـقـدم ذبيـحـه
لو كان عنده مـال كسـرى وقـارون
خلق وان قضى مايعرف المخسريه
***
اسمع كلامـي وافهمـه يابـن عمـي
ماحل لـك لحمـي ولاشـرب دمـي
حتـى تحـاول تخلـط الـزاد سمـي
وانا على روحك حريصـا ومامـون
من اللي حداك تسل سيفـك عليـه
***
قـم مـد يـدك حـط كفـك بكـفـي
حتى العـدو يهـاب صفـك وصفـي
واللي مضـى ننسـاه مافـات يكفـي
خـل الـذي يقلونـه النـاس يقلـون
بالاقدام ندعـس كـل نيـه رديـه
***
تـرى الفتـى يذكـر بفعـلا يفـيـده
ماهو بمـالا فـي المصـارف يزيـده
في الضيـق مافـاده زيـادة رصيـده
لو كان يملـك فـوق ميتيـن مليـون
مع ابليس عايش طول عمره مطيـه
***
يسهر وهـو يحسـب كنـوزه ومالـه
ولا يزكـي ماجمـع مــن حـلالـه
وان جا له المحتـاج يلقـى البخالـه
يمشي وهو مكسور خاطر ومحـزون
ويدعي عليه كل بكل صبح وعشيـه
***
يـقــل يالله طـالـبـك لاتعـيـنـه
وفـي حـب مالـه يالله انـك تهينـه
اللـي نسـى مالـه وفرضـه ودينـه
عساه دايم في عنـى الهـم مرهـون
الى يوم تبعـث كـل نفسـا بريـه