اختيار العروس كيف كان

كان في الزمان الماضي ياساده ياكرام العريس عندما يرغب الزواج ويخطب العروس ماهو مثل هذا الزمان عن طريق المدرسه او عن طريق الحفلات والاعراس والمناسبات وتجي الام عند ولدها وتقل له ياوليدي حصلت لك بنت ولا اجمل ولا احلا منها شفتها في العرس الفلاني وهي ملطخه وجهه بما هب ودب من التشكيلات والمكاييج والخرابيط اللي مالها لازمه كان في الماضي الناس يشوفون بعض اما في المزرعه او عند ميراد الماء أو في الطريق وكان الامر طبيعي كل واحد ماشي في طريقه ماله ومال الناس .. ولكن اذا الشخص مثلا شاف بنت عند المزرعه او عند الميراد الذي يستقون منه اهل القريه يقول لها سلام يابنت انتي بنت مين او منهو ابوك وتقله انا بنت فلان بن فلان ... الرجال يشرب ويمشي وفي اليوم الثاني يمر على ابو البنت ويخطب ويتم الاتفاق على الشروط اللي تهد الحيل .... ماهو مثل هذا الزمان خمسين الف وكل شي فيها ذهب وملابس وغيرها من المستلزمات وتحصل العريس زعلان يلف راسه يمين ويلف راسه شمال يشوفها كثيره كل شي فيها وزعلان .... زمان يقول ابو العروس ( 200) الف ولا يخسر ابو العروس منها ولاشي والله انه في سنه من السنين وصل المهر هذا المبلغ ويمكن فيه ناس يقرون هذا الكلام ويقولون صح .

قبل كذا زمان قديم بالمره كان المهر الفين ريال حددته الدوله الي معه اولاد يضحك يقول بزوج اولادي وانا مرتاح وقال الشاعر في هذه المناسبه .

من يوم فيصل قطع سعف الصبايا من الفين
تزوج ياشباب أو غيروا ياشيابه

والله حتى العجائز سرنه خايفات من الشيبان يسوونها فيهم .... وجلسوا يدعون الله ان المهر يرتفع ويرتحن من العذاب الله الله يازمان والله كان في شقاء وتعب ولكن و الله ان الامور كانت طيبه والناس يتواصلون ويتزاورون الاقارب ويسالون عن بعض مش زي هذا الزمان كل واحد يطرد وراء موسساته وسوبرماركاته ومحطاته الله لا يشغلنا إلا في طاعته قلوا آمين .

Share

عدد المقيّمين 0 وإجمالي التقييمات 0