الي يضيق نقطع براطمه (1)

طبعا هذا المثل له قصه عريضه طويله لشخص اسمه ابو نواس ولا ندري إن كان هذه القصص التي حصلت للاخ ابو نواس في الزمان الماضي هي من القصص الخياليه ام انها كانت فعلا قصص حاضره افرزتها الطبيعه في حياة الاولين ... أبونواس هذا شخص عاطل عن العمل ويقوم بالعمل عند اصحاب المزراع على حتات الثمره يعني اذا انتهىت محصولات الصيف الي هي الشعير والحنطه او محصولات الشتاء مثل الذره والحبش وحب الحاج ويكون الاتفاق ان ياخذ من الحبوب وليس كاش يعني يتفقون على (فرق) من الحبوب الفاء مهمله والرا مفتوحه والفرق قدره (12) مد مقابل ان يقوم ابو نواس هذا بمساعدة صاحب المزرعه في كافة الاعمال بدون تحديد طول الثمره وبعدها يغادر لكن ابو نواس هذا صاحب مقالب في يوم من الايام اتفق مع صاحب المزرعه بان يعمل معه بدون اي آجر ولكن بشرط ان الذي يضيق تُقطًع براطمه والبراطم هي الشفايف طبعا صاحب المزرعه قال خير وش بيسوي حركات خفيفه نصبر عليها ونوفر (الفرق) الحب للعيال المهم قال تم يابونواس.

اتفقوا وبداء في العمل قال يالله يابونواس عندنا بكره (سوق) بفتح السين وتشديد الواو .. يعني نسقي المزرعه من البير بالسواني وش تبغى تسوق مع السواني في المجره وإلا تحول الماء في الركيب قال بحول الماء قال طيب حول الماء جهت الجله يقصد جهة الركيب الي محاذيه للجله ذهب خوينا الى الركيب وحول الماء (للجله ) يعني مانزل في الركيب شي الماء يصب في الوادي وبعد فتره قال صاحب المزرعه تعال سوق وانا ابجي احول قال طيب يوم جاء وخوينا هذا محول الماء للوادي قال ليش يابونواس قال ماانت تقول حوله جهت الجله انا سمعت كلامك قال يا اهبل اقصد جهة الركيب المحاذي للجله تروح تحوله للوادي قال ابونواس لا يكون انك زعلت ترى السكين عندي جاهزه اشلع بها براطمك قال ما زعلت انقلع روح سوق مع السواني واذا قصر العداد خذ من فوق ظهور الثيران قال طيب احيانا الماء يقل في البير ويظطرون الى زيادة الارشيه والحبال لتكون طويله توصل عمق البير المهم ذهب خوينا ابونواس الى الثيران وساق ماقصر.

المهم نزل الماء في البير وقام وصلخ جلود الثيران وزود بها الارشيه والحبال ويوم جاء الظهر وجاء صاحب المزرعه قال ليش يابونواس تصلخ ظهور الثيران قال ما انت تقول اذا نزل الماء في البير خذ من فوق ظهور الثيران وسمعت كلامك ماجبت شي من عندي لا يكون انك زعلت ... قال لا مازعلت المهم ان ابو نواس طوال تلك الثمره جاب السكر والضغط لصاحب المزراعه ويقولون يا بالفيت انهم حصلوا صاحب المزرعه متعلق في راس سدره في طرف الوادي ... تقليد لرسائل الوتساب ههههه والمقالب كثيررررررره للاخ ابو نواس مع صاحب المزرعه وما نبغى نطول عليكم طالت اعماركم ....... وحكوا روؤسكم لا تشيب مثل ماكان يقولون لنا زمان اذا جابوا لنا رويه الشيبان رحمة الله عليهم ... لا يكون إنكم زعلتم ...........

نلقاكم قريبا في الجزء الثاني لاكمال بعض قصص ابو نواس الي يضيق نقطع براطمه (2)