حنا بني مالك رجال(ن) حلا حيـل

الشاعر جندب المالكي ابو عبدالرحمن من الشعراء الذين لهم تواجد على الساحه الشعريه وله مشاركات وقصائد وامسيات.... قصائده تتسم بالجزاله في المعاني شاعر مبدع .

***

قـال الـذي عنـده للاحـوال تحليـل
ون هاض جاب المفردات الجزالي

حنا بني مالك رجال(ن) حلا حيـل
اهل الشيم واهل القيم والمعالي

قوما(ن)لنا بين الرجاجيـل تبجيـل
ولنـا المـقـام المعتـبـر والمثـالـي

الغانمـيـن الحازمـيـن المشاكـيـل
اهل السلـوم امومنـة كـل جالـي

تشهد لنا الهيجا وتشهد لنا الخيل
يـوم احتـدام المعـتـرك والنـزالـي

والمعتدي دايم نحده علـى الويـل
بالنيمسـي ومصقـلات السـلالـي

والضيـف يلقـا عندنـا كـل تكمـيـل
والسكـريـة قـبـل صــب الـدلالـي

وحنا مصابيح السـرا لضلـم الليـل
بالعصـر الاول والسنيـن التـوالـي

مــا نــارد الا صافـيـات المناهـيـل
والـيـا تكلمـنـا قطعـنـا الـجـدالـي

وحنـا الكـرام امثقلـيـن المعـاديـل
واهل الوفـا دايـم مـن اول وتالـي