عـز الرياض وعز وادي حنيفه
- قصائد شعراء القبيله في ولاة الامر
- 6/5/2012
- 3048
***
عـز الرياض وعز وادي حنيفه
وعـز الامـارة والامور العظايم
عـدل الـحكم سلمان بالعز ريفه
خـمسين عام وكل ابوها غنايم
تـبـصر بعدله عين حي كفيفه
الـمـجد له والطيب والعز دايم
الـعـدل ميزانه والامجاد سيفه
لا روحـت ما بين شاري وسايم
زبـن الـمجنى في نهار النكيفة
لاطـاح واصطكت عليه الهزايم
قـاد الخيول المسرجات العسيفه
ضـمر الخصور منسقات القوايم
سـيرة بطل ماهي مجرد وظيفة
بـنـا وطن سامي قوي الدعايم
ايـمـانه اقوى مالحياة المخيفة
يـوم ان غـيـره فالمذات نايم
شطب على صدق التعالي وزيفه
مـتـواضـع لـله ساجد وقايم
نـفسه مطوعها على كيف كيفه
مـا تـنخدع فالبهرجه والنعايم
ذخـر الصديق اللي حياته كليفة
عون الرفيق اللي عن الحظ شايم
راسـا لبذل الجود ماجا وصيفه
حـشـا ولا هـبت عليه النسايم
راسـا يـشـمّخ بالجبال المنيفه
مـا شـمخّت به زاهيات العمايم
بـعـيـون سلمان الثقيلة خفيفة
قـلـبا على الدنيا شديد العزايم
هو فارس احلام الرياض العفيفة
حـرٍ على روس الشواهيق حايم
عدد المقيّمين 2 وإجمالي التقييمات 10
أضف تعليقك على الموضوع