يوم شفته يرتجي رحمة الله له ونيين

أحد الاخوان توفى والده رحمه الله وكان متأثرا كثيرا وجادة قريحته بهذه الابيات المرثيه والحقيقه ابيات حزينه جدا تعبر عن مدى الصدمه من وفاة والده رحم الله والده رحمة واسعه وادخله فسيح جناته

***

ياخلف بشكي لك الحال يمكنك تعين
والخبرجاني وقالوا ترى علماً خطير

قلت انا مالعلم قالوا ترى متجمعين
والدك تعبان مقعد على ذاك السرير

قمت اناظر في يساري وناظر فاليمين
وادعي الله بالشفاء له وهو ربا قدير

يوم شفته يرتجي رحمة الله له ونيين
هلت الدمعه على الخد مدري وين اسير

جبت انا الدكتور عله يشوف العله فين
والهدف يرتاح بالي ويرتاح الضمير

انتقل لجوار ربه وحنا واقفين
كانت الصدمه كبيره وواقعها مرير

الحزن خيم علينا ولاحن مصدقين
موتكم يا يابو علي عندنا شئيا عسير

مت يوم الجمعه امثال ناساً صالحين
يالله اني طالبك ترحم العبد الفقير

كلما جينا سريرك سألته انت فين
جاوبتني ذكرياتك تقول يم المصير

هو مصير لكل مخلوق وحنا عارفين
مقدر انسى والدي هو لنا شئيا كثير

عاش طول العمر محبوب مالناس اجمعين
ياعفيف النفس ياصاحب القلب الكبير