احمد بن مسلم (صقر تهامه)

 

هذه المنظومة الشعريه جادة بها قريحة الشاعر والمورخ المبدع دائما احمد بن مسلم المالكي (صقر تهامه)وهي مدح في قبيلته قبيلة بني مالك وتستاهل قبائل بني مالك المدح والثناء . 

***

بـدايـة مـنـي تـحـيـة صـافيه مثل الزلال

والا كـمـا جـلـسـا يـظلي من شموعه ينتدي

وإلا كـمـا سـيـفـا حدوده ساطية بين السلال

وإلا كـمـا بـحـرا وسـيع الجال موجه يزبدي

سـلام تـسـلـيـمـا ركـوزه بينه في كل حال

رغـم الـعـواصف والقواصف والزمان المنكدي

أثـقل على الخطّر من الوادي ومن روس الجبال

وابـعـد مـن الـمريخ وابعد من مدارات الجدي

هـذي بـدايـه والـبـدايـه بعدها طيب المقال

مـقـال مـاهـو قـيـل قال ومن شجيعا يحتدي

عـاداتـنـا مـانـبدي الا من على روس الطوال

يـشـهـد عـلـيـنا الله وثم الناس كلا يشهدي

والـلـي يـحـاول يـقلب الواقع بتكثيف الضلال

حـرام لاعـطـيه القبس وان عاشها فاقطع يدي

وانـا لـراعـي الـشـر غده مايزحزحها البلال

عـايـش عـلى القالات والطالات ما آحب الردي

وي ربـعـي أصحاب الكرامه والرجال أهل الفعال

دعـوى بـنـي مـالـك بجيلة رادعين المعتدي

آقـولـهـا وافـخـر بها والمدح له عندي مجال

والـلـي بـلـيّـا ربـع مـابـين القبايل ينقدي

والـيـا ذكـرت امداح ربعي جاك علمي باعتدال

اذكـر مـواقـفـهـم بـحـكمة فارسا مترشدي

مـانـي بـمـتعدي على جاري ويابى الله محال

حـتـى ولـو جـانـي كلامه مثل رعدا يرعدي

وان جـاه مـنـي زلـة يـبـشـر ويـدّلل دلال

أرضـيـه بـالـمـعـروف ماني خايفا مترددي

أنـا سـنـد ظـهـره ودرعـا مـاتكسره النبال

وهـو بـعـد من فوق ظهري مثل درعا يسندي

آصـلـه بـالمعروف حتى لو قطع عني الوصال

لـو كـان داره فـايته ... لو كان حيلي يجهدي

مـن عـدّني مكسب باعدّه في رصيدي راس مال

والـلـي بخص في صبرة الصدقان ماهو زايدي

والـلـي جـمـالـه مايساعده الوفا ماهو جمال

هـذاك بـالـبـاس الـزيـافه والسفافه مرتدي

احـذر مـنه لى من ضحك سنّه وجا علمه جزال

لـو طـحـت فـي غبّ النوايب مابدا لك ينشدي

يـقـول انـا لـك مـثـل سيفا تحتزم به للقتال

وانـا .. وانا .. وان جيت عند الصادقه ماينفدي

والـيـا دعـيـتـه لـلـحم والرزّ والله ياعيال

انـه يـظـلـي مـثل نمرا في الخلا يعدي عدي

يـهـبـى هـباه الله ولا هو من رجاجيل النضال

لـو حـسّ بـالـصـايـح ليقعد خايفا يتريقدي

شـكـلـه رجـل لـكـنّ قلبه مثل ربّات الحجال

يـحـمـى بـوقـت العافيه وافي الشدايد يبردي

وأردّ قـافـي فـي رجـاجـيـلا ولا كلّ الرجال

وارفعه من فوق الشرف من فوق واشدي به شدي

الـمـلّـك الـلي مدحهم في الميمنه ماهو شمال

مـلـوك قـسـر اهـل العوايد واهل تاريخا ندي

تـاريـخـنـا مـعـروف لـلـقاري ولله الكمال

قـسـريـن والـتـاريخ قسري والمخالف يهتدي

والاحـمسي ذاك الذي صابه من اخصامه عضال

يـقـلـون مـالك ربع في الديره وباقي تفسدي

فـقـال مـن سـدّي بـجيله مثل حيزان المخال

بـكـره نـجـيـكـم بالعدايد وابنشوف الماجدي

قـالـوا تـوكـل وانـت مـالك لاديار ولا حلال

والـوعـد فـي بـندر عكاظ وكل جيشا يحشدي

وانحكّم ( أقرع ) من تميم ومن قريش اهل الشكال

امـا رفـعـت الـسـعر والا راح مالك مزهدي

واصـبـح ولـدنـا يـعـقد البيشان وامقبّل قبال

مـع شـروق الـشمس في صبحا جماله منضدي

واعـطـاهم القصه وقال الليل ... والدعوه نزال

ان كـنـت انـا مـنـكم وفيكم فابلغوني منجدي

قـالـوا تـبّـشـر وانـت لك فينا قرابه لاتزال

نـبـدي مـعـك مثل الصواعق في نهارا ينبدي

خـصـمـك ترى يدري بنا لكن في راسه غزال

والـلـي يـعـانـدنـا فـوالله مايحصل مرفدي

سـاروا مـعـه مثل السيول المنحيات امّ السمال

عـلـى خـيـولا مـثـل بـرّاقـا لميعه يلهدي

وشـرّفـوا فـي حـلـة البندر كما جرف الهيال

الـى تـهـاوى مـن سفوحه في نهارا صرمدي

فـقـال الاقرع ياعرب وش عندكم وش من حبال

قـال الـعـدو حـنـا .. وحنّا .. مجدنا متمجدي

حـنّـا رجـاجـيل الصباح اهل المعارك والنكال

واضـحـى يـسـرّد في علومه مثل طيرا يغردي

وافـتـزّ لـه فـارس بجيلة قال حنا اهل النوال

امـطـمـنـين الدهر من هول الظلام السرمدي

حـنـا الـملوك اهل السياده يشهد الله ذي الجلال

الـى انـتـخـى فـينا الفقير اللي معوّل يسعدي

فـقـال الاقـرع يـاعـرب هـذي بجيله ماتنال

لـو قـايـسـوا كسرى وقيصر مجدهم متسيّدي

أمـجـادهـم مـثـل الـنوايف ماتظلي كالدحال

هـيـا افـرقـوهـم يـاعرب قدام لايغدي غدي

فـعـوّدوا دعـوى بـجـيله ماعلى واحد عذال

الـروس مـرفـوعـه على هام السحاب الملبدي

مـن بـعـد مـاضلت رحاي المعركه تهذل هذال

وطـلـقّـوا يـاخـصـمـهم يالليله انه يركدي

هـذي عـوايـدنـا وهـذا فـعـلنا مثل الهلال

تـاريـخـنـا يـقرى وفي وسط الكتاب امقيّدي

تـاجـا عـلـى روس القبيلة في قديم وفي توال

مـاضـيـعـوه ولا يـضـيع ويحقد اللي يحقدي

وآخـر كـلامي صلوا على المصطفى سيد الثقال

مـحـمـد الـلـي ورد الـسِـنّه على خطاً قدي