الشاعر زايد بن عوض (صقر بجيله)

 

الأولـه قـدام توظيف الافكار

وقبل اقرب عملة البن والهيل

يالله طلبتك وانت للـذنب غفار
يا واحدٍ قـابل محمـد بجبريل

اجعل لساني رهن في مـدح الابرار

دعـوى بني مالك هل السيف والخيل

اهل الثلاث البيض لو سار ماسار

اهـل الكرم والجود ذبـاحة الحيل

اللابه اللي تكرم الضيف والجار

ودخيلهـم دونه تقوم الحلاحيل

تاريخهم يشبه الفواح الازهار

وغيثهم مثل المزون المراسيل

سلام مني عد همال الامطار

وعـد مايضحي الضحى واسدل الليل

حنا بني مالك نسبنا في انمار

بنو نزار وعادة تعدل الميل

خثعم وثابر حين يوم الشقا دار

منهم غدا جيلا ومنهم جلاجيل

باحوا حلي عن عز واصرار وكبار

هذا اللذي مكتوب من غير تمثيل

خثعم وثابر صفهم طاح وانهار

وسارت بجيله بكيفها تحل وتزيل

اسمع كلاماً صح قلته بمقدار

عن لابتاَ في طبعهم كل تكميل

ساروا وقاموا في بجيله بالاعمار

وبجلوسيـد الرسل خير تبجيل

حصن الادب شاده بهم سيد الاخيار

هـذا الشرف نلقاه جيلاَ ورى جيل

في مدح ربعي ماتحير ولاحتار

اغلى من المرجان واعذب من النيـل

سلـومهم سلوم الابطال الاحرار

وعاداتهم تبعد عن القال والقيل

منهم جرير اعلن في القــوم واختار

حرب الجهل والكفر واهل الاباطيل

وفـد على سيد الرسل مـاخذ اقرار

من لابتاَ واعطوه في الحق توكيـل

جاهد في الاسلام وابلى بالاخطار

وهـدم الاصنام والحق بها الويل

رضي عنه ربـه بعيـداَ عن العار

اسلم على ايدينه رجالاَ بهاليل

مابين من هاجر ومـابين الاصنار

جرير مثل سهيـل بين المشاعيل

هـذا علم وغيرهـا اعلام واكثار

مـدونين المجـد في خيـر تسجيل

تـاريخنا تدري عنه كل الانصار

القـادسيـه خير شـاهـد وتدليل

وانا لو ابـكتب ودون بالاشعار

اسقيت كل الناس عذب المناهيل

هذا عـن الماضي ذكرناه تذكار

غني عن التعريف ما فيه تظليل

وابكتفي بدعوة اكبار وصغار

مشـاهـدة واقع على كل تحصيل

مـن زارنا يلقى ضيافه ومقدار

وهب مايشفي قلوب المعاليل

ومن السكب والورد والبرك والشار

على طبيعه زادهـا الله تجميل

وزادهـا بالامن والخيـر مغوار

حتى كساهـا ثوب ضافي وتفصيل

نكن له كل الوفاء سر وجهار

فضله رحمه الله سيلا ورى سيل

عبد العزيزي الفيصلي وافي الاشبار

بالعدل والايمان شـب القناديل

نبقى على عهده ولو دار مادار

ما ننقض الميثاق لو ندخل الويل

حنا مع من سار نهجه ولا بار

حنا لابو متعب على كل عايل

حنا بني مالك على كل غدار

جنود ابـو متعب سيوفا مصاقيل

حزاة بنحور العدى شوك الامرار

كرام باوجوه الرجال المقابيـل