الشاعر محمد سعيد الصعيري ( حنا بني مالك اذا جت للفخر)

 

الشاعر محمد سعيد الصعيري المالكي

هذه القصيده القاها بتاريخ 27/7/1436هـ الشاعر محمد سعيد الصعيري وكانت المناسبة في زواج سامي بن سرحان العدواني ومعروف قبيلة العداوين فخذ من قبيلة عتيبه وسامي أخواله بني مالك وتحديدا من أهل دار من أبا النعيم.. أرسل سامي عزيمة لأخواله بني مالك وحضروا وشرفوا ذلك الحفل وتخلل ذلك أمسية شعريه ومن ضمنها قال الشاعر محمد الصعيري هذه القصيده

سلام يسبق بالكلام اقوالها
والناس تبدا بالسلام ازكى لها

ورد التحيه بعدها واجب علي
لاهل المكارم والشعر يهدى لها

اما بعد : جينا نجدد عهدنا
ونشارك الفرحه بعد مرسالها

دعوه كريمه جت ولبينا الطلب
ودعوتك ياسامي ترى يعنا لها

اخوالك الملك كما شُم الجبال
واهل الوفاء تفخر بطيب اخوالها

والشبل سامي خلّفه ذاك الاسد
سرحان ذكره حي عبر اجيالها

ولاقلت عدوان الوفاء واهل الصمود
اللي تترجم قولها بافعالها

توارثوا بالطيب وارباب الكرم
واهل الشجاعه والحروب ابطالها

والشعر اذا ماقيل في مدح الكرام
يشبه لغيمه ماسقا همالها

وحنا بني مالك اذا جت للفخر
تفخر بجيله في فعول ارجالها

ولاجت على فخر القبايل والنسب
المجد والعزه جرير ارسى لها

نفخر بدون العنصريه والجهل
والعنصريه نارها جهالها

بالدين نفخر ثم نفخر بالوطن
وموت الشهاده امنيه نسعى لها

وسفينة الاحداث في موجة بحر
تلاطمت باثقالها واهوالها

وتسارع الاحداث يرسمها العدو
والغدر والبيعه تشد احبالها

ياعاصفة حزم الكرامه زلزلي
دكي على الحوثي سهل واتلالها

اذناب طهران المجوس اهل الفتن
يوم الخميني بالظلال افتى لها

ولابد مانخذ من اعدانا حذر
حيه تحرّك فالخفاء باذيالها

حنا جنودك ياوطن شيب وشباب
لازلزلت فالمعركه زلزالها

وحنا وطنا غير عن كل البشر
وجهادنا ذروة سنام اعمالها

وحنا نخوض الحرب مانخشى العدا
ومظلة التوحيد تحت اظلالها

الموت دون الدين والموطن شرف
وهني من موت الشهاده نالها

ياخادم البيتين ياوالي الامر
رديت للامه شروق امالها

ياخادم البيتين لك منا الشكر
ياللي بنى العزه جبال ارسى لها

واللي يظنه بالخديعه منتصر
يذوق كاس المر حتى اثمالها

ماقدر الوقفات من ال السعود
اللي تربى في نعيم افضالها

واهل النذاله يستغلون الكرم
والمكر يتربى عليه انذالها

وجاه الردود اللي يزلزل مرقده
في ساعةٍ ضاقت على محتالها

من جرب ارضانا يجرب غيضنا
واهل الردى توقع بشر اعمالها

هذا وصل الله على سيد البشر
شفاعته ياحظ منهو نالها