يا ابو فهد ! حنا معك ... ضـد المضيع مذهبه
- الشعر الشعبي والنبطي والفصيح
- 27/10/2015
- 1977
- بقلم / عبد الله عطيه العصماني المالكي ... ناقد القوافي
هذه القصيده من الشاعر عبدالله بن عطيه العصماني المالكي (ناقد القوافي ) ابيات رائعه من شاعرنا القدير ... وهذه الابيات ليست غريبه عليه فله اسهامات رائعه في مناسبات عديده هنا هناك.. نسال الله ان يحفظ بلاد الحرمين
الشاعر عبدالله بن عطيه العصماني المالكي
يا غيث ! يا همال ! يا مسقي الديار المجدبة !
انته بامـر ربي ... تغيث اللي يباس .... حلوقها
الديـرة اللي جيتها ... من فضل ربي ... معشبه
اشوف ... نُوّار الشمطري .... والخزامى ... فوقها
والبل تفلي ... فالنواحي .. والفياض .. المقربه
والشاوي .... ابعـد عن نواحيها .... ولا بيسوقها
هذا وغيث العـرف ... باقي بالجزايل ... نكتبه
ونجود ... ببيوت القصيد ... اللي على منسوقها
يا هـاجسي ! كانك بنيت لها البيوت المطـربه
حوّل .. على الماضي التليد .. وذكريات عبوقها
من قبل عام الخمسة والتسعين ، عاماً نحسبه
في مدرستنا .... اللي تعلمنا .... نصون حقوقها
طلاب علم ... لنا حدود .. ونحفظ اللي نكسبه
والعلم .. مثل الشجرة .. اللي راسيات .. عروقها
واليوم .. ما من خير والتعليم ... جا من يسلبه
افكار ... غطت كل درس ... وخاب هابط سوقها
يا لابتي ! يا درع جنبي ! يا وطـن ! يا معجبه !
يا مـروّض القيفان ! يا مغنّي جميـع اطروقها !
يا الكاتب النحـرير ! يا شيخ المنابر ! يا نَبِه !
يا عسكـري ! يا اميـر ! يا العزوه بكل فروقها !
يا بنت ! يا رجّـال ! يا فجر الزمان ! ومغربه !
يا اهل البيارق ! يا حريب الملهيات ! وعوقها !
هبوا وشدوا واثبتوا .... في وجه محيين الشُّبَه
الثوب ضافي ... لكن اكمامة ... وساع .. فتوقها
هذا وطنّا ... والوطن .... له حق منا .... يطلبه
نحميه ونصونه .... من اهل الشر قبل مروقها
أحداً يفجر في المسـاجد ... والجهالة مزهبه
وأحداً قتل خاله ... وبن عمه ... وهله يبوقها
يا ابو فهد ! حنا معك ... ضـد المضيع مذهبه
سقها على ما تشتهي نفسـك ، جيوشك سوقها
عدد المقيّمين 0 وإجمالي التقييمات 0
أضف تعليقك على الموضوع