الشاعر رمضان المنتشري
- الشعر الشعبي والنبطي والفصيح
- 23/3/2016
- 6079
- منقول للفايده
الشاعر رمضان المنتشري من شعراء المنطقة الجنوبيه وشاعر كبير ومعروف له ابداعات سواء في العرضه او شِعر النظم وايضا القلطه حقيقه شاعر متمكن وهذه القصيده ارسلها الى الشاعر الكبير رشيد الزلامي رحمه الله وكان الرد ايضا رائعا من الزلامي
البدع من الشاعر رمضان المنتشري
يامالك الملـك يالله يالشديـد القـوي
أنا بوجهـك مـن الدنيـا وصكاتهـا
لها سنه كامله عيت معـي تستـوي
من وين مـاروح مقفولـه ممراتهـا
البارحه نجم يتوارى ونجـم يهـوي
طاحت من العين مدري من مجراتهـا
ماكل نجم ٍ يطيح أسمع لصوتـه دوي
الله جعلها تطيـح ويكتـم أصواتهـا
الجم سكون التهاوي ليلي الفوضـوي
وتشابهت عندي احيا الناس وامواتها
يالليل عكرت صفو الشاعر النخبـوي
اللي سمان القصائد يصخـر أبياتهـا
والعارض اللي بغى يلوي ذراعي لوي
ماغير بيـن لـي أصحابـي ونياتهـا
وانا صقر حُر.. لايُطبـخ ولا ينشـوي
ليـت العصافيـر ماتكثـر .. حراكاتهـا
الرد من الشاعر رشيد الزلامي رحمه الله
البارحة صار ليلي سرمـدي وسـروي
وسائـل الصبـر قافلتـن محطاتـهـا
القلب مجروح والشكوى كوتني كـوي
الله يساعد علـى الدنيـا وعثراتهـا
سمعت لي صوت ذيب ٍ فالحجاز يعوي
صوت الذيابه يعبـر عـن معاناتهـا
جتني رسالة صديق ٍ رمزها معنـوي
من جور الأيام واضحتـن علاماتهـا
القلب قلب حضري والهرج هرج بدوي
حرك مشاعر قلوب ٍ طـول اسكاتهـا
أكيد ياذيب في دربـك تبالـك خـوي
عايش ضروف الحياة وذاق لوعاتهـا
أخوك مشّبِعته الأيـام طبـخ وشـوي
ماهمتـه رحلـة ٍ طالـت مسافاتـهـا
عدد المقيّمين 0 وإجمالي التقييمات 0
أضف تعليقك على الموضوع