أبيات لشعراء أصبحت مضرب للأمثال

 

أبيات لشعراء أصبحت مضرب للأمثال خلدها المؤرخون لجمالها وقوتها الشعريه وكما يقولون ان الشعر لسان العرب والشعر الفصيح لا غبار عليه فهو لسان العرب فعلا ولكن الشعر النبطي الذي طغى على هذه الحقبه الزمنيه الحاليه فانه ايضا كان له بليغ الاثر في الحركه الادبيه المعاصره

تركي بن حميد
واخير منها ركعتينن بالاسحار
لا طاب نوم اللي حياته خساره

مسلط بن شعيفان ابو اثنين السبيعي
قالوا هبيل وجايزلي هبالي
اهبال طيب ولا صحاوة رخامه.

محمد الحداري
من قال بالناس قالوا به
ومن عال تأتيه عيالي

عبد الله بن رشيد
مايستشك يا حسين كود الرديين
و إلا ترى الطيب وسيع بطانه

عبيد بن رشيد
اضرب على الكايد إليا صرت بحلان
عند الولي وصل الرشا و انقطاعه

محمد الأحمد السديري
يا عل قصر ما يجي له ظلالي
ينهد من عالي مبانيه للساس

ابن سجوان
يمنى بلا يسرى تراها ضعيفه
و رجل بلا ربع على الغبن صبار

خضير الصعيليك
الله يعدلها عن الضلع و الميل
و إلا يميلها على الناس مره

عبد الله اللويحان
الحنظله لو هي على شاطي النيل
زادت مرارتها القديمة مراره

محمد المنصور
خوينا ما نصلبه بالمصاليب
و لا يشتكي منا الجفا و العزاري

مريبد العدواني
النوم ساس اللوم بان الردى به
و اللي يبي الطولات نومه شلافيح

شالح بن هدلان
من حل دار الناس حلوا دياره
لا بد ما تسكن دياره و يغبن

حجرف الذويبي
يرزقني رزاق الحيايا بجحرها
لا خايلت برق ولا هي بحايله

محمد الأحمد السديري
ليا خاب ظنك بالرفيق الموالي
ما لك مشاريه على نايد الناس

راكان بن حثلين
ما قل دل و زبدة الهرج نيشان
و الهرج يكفي صامله عن كثيره

محمد الحداري
ولابد ما تقضي ليالي الحياتي
امرض وأطيب .. وعقبه أمرض ولا أطيب

الأمير محمد بن سعود
الزين ما يدقم شباة السناني
والشين ما يقصر يدين يطولن

إليا اجتمع زين و فعل اليماني
لذة نعيم فالعمر لا توافن

هواش الحربي
اشهدشهادة حق مدح الردي عيب
مثل الصلاة اللي على غير قبله

مفضي الشمري
الطيب لو هو من أبعد الناس ينفعك
يصير لك عند اللوازم سنادي

و إلا الردي لو هو من الأدنين يقطعك
يعل وجهه للفنا و السوادي

طلال بن رشيد
لو حسب للسوس زراع القصب
ما زرعنا ي العصافير الشعير

جديع بن هذال
ترى لذة الدنيا معاميل و فراش
و صينية يركض بها العبد مسعود

بركات الشريف
رافق أصيل فى زمانك يشاكيك
لا شاف خملاتك عن الناس غطاك

محمد بن هادي بن قرمله
الرزق عند الله والحظ توفيق
والعمر يفنى والليالي تدومي

عبدالله القريفة المطيري
يا جماعة كيف مافـيـكـم حـمـيـا
كيـف صيـاح الضحـى ما تسمعونه

الـمـراجــل مـا تـهـيــا هـاســويـا
كود من عض النواجـذ فـي سنونـه

راكان بن حثلين
يا ما حلا الفنجال مع سيحة البال
في مجلس ما به نفوس ثقيله

بركات الشريف
م أخطاك ما صابك و لو كان ناصيك
و اللي مصيبك لو تتقيت ما أخطاك

محمد بن شلاح
أمل الوجار وخلوا البـاب مفتـوح
خوف المسير يستحـي مـا ينـادي

يا نمر مافي صك الباب مصلوح
ولا هي بلّنا يا مضنّة فوادي

خضير الصعيليك
أحد عشاه البر و مفطح الحيل
و أحد عصيده يلعط الكبد حره

الأمير / عبيد العلي الرشيد
ربعي لقوا بي عقب شيبي عذاريب
قالوا على ساقة خويه يحامي

قلت إن هذا من قديم بنا عيب
مستارثينه من خوال و عمامي

نوران الخياري
كلن يعد الطيب ويخل الردا
وكلن يعيل وعيلته ما يشوفها

مويضي البرازية المطيري
اللي يضيع الليل يتنا النهارا
واللي يضيع القايلة منهو يقدّيه

الجرباء
الحر لا صكت عليه المغاليب
مجبور عن دار المذله ينزي

مقحم النجدي
أحد على جاره بختري و نوار
و أحد على جاره صفاة محيفه

الجار لا بده مقفي عن الجار
و كل بجيرانه يعد الوصيفه

نديم المجره
قولوا لرعيان الغنم ﻻينامون
اشوف بالمرعى مواطي ذيابه

زامل الحميدي السبيعي
الصبر مفتاح الفرج خابرينه
لكن مفتاح الصبر وين نلقاه.!