الجود بالأفعال ماهو بالهياط وبالكلام
- الشعر الشعبي والنبطي والفصيح
- 5/5/2025
- 181
قصيده نبطيه جادة بها قريحة الشاعر الكبير محمد بن حوقان المالكي شاعر قبيلة بني مالك تدور حول العزايم والهياط وهذا واقع ملموس في المجتمع ان اكثر الناس ما يتوجب عندك الا بالحرام والطلاق واحيان توصل الى حد الزعل والنقاش الحاد بين الضيف والمضيّف وهذا امر غير مرغوب فيه في مسالة الضيافه وتكريم ضيف .
***
***
تبغى توصيني وانا في ذمتي ستين عام
صاحبت فيها الشعراء والفقراء والاغنيا
لقيت منهم ما يلاقيه الخوي من اهتمام
ولقيت طلاب الستر منهم وطلاب العيا
ولقيت بيضان الوجيه اللي يردون الجهام
ولقيت عبّاد الكراسي والرجال الاوفياء
ولقيت فيهم مقطع الحق الكريم ابن الكرام
ولقيت منهو ينصر الجاني ويظلم لابرياء
ولقيت فيها ما يلاقيه الضعيف من اللئام
منافقين الاغنياء ومصافحين الاقوياء
اطيبهم اللي يلحق المقفي نميمة واتهام
والعنهم اللي يعتبر غيره من الناس اشقياء
يتعازمون ويحلفون على بعضهم باهتمام
وان جاهم المحتاج صدوا عنه صدّ الاغبياء
الجود بالافعال ماهو بالهياط وبالكلام
اغلب قصايدهم كذب واكثر عزايمهم ريا
اللي ما يدخل بيتي الا بالطلاق وبالحرام
على الطلاق اني اعتبر عزيمته قلّة حيا
عدد المقيّمين 0 وإجمالي التقييمات 0
أضف تعليقك على الموضوع