نجيب القصايد كل ابوها تحدي (1)

بداية المحاوره التي كانت بين ابويزيد والشبح وحسين بن رده وفاضل الخماش (نجيب القصايد كل ابوها تحدي ) محاوره رائعه جدا لا تفوتكم الشاعر الشبح في الحقيقه هو الشاعر خلف بن عطيه وما انكشف الامر الا بعد انتهت موضت المنتديات وكان الهدف منها حسب كلامه تحريك المنتدى والمحاورات .

البدع // من ابويزيد
***
أنا ودي أبدع قارعه خمسه أبيات
ونبغى لها شعار للبدع والرد
تجيد المثايل والهدف في ملازم
نجيب القصايد كل ابوها تحدي
وتبقى المعاني ذوقها فالقصيده
***=
الرد // من الشبح
***
تخيلت نص الليل في وقت الابيات
أفكر في الأيام والهم والرد
وانا للقصائد والمعاني ملازم
تراني عرفت القصد بينت حدي
ولا أبغى علوم أهل الردى والقصيده
***
البدع // من ابويزيد
***
هلا والشبح ماطا حته تسع رميات
ولا تحتزي لاخوك بالسبت والا حد
وخل الجمال الي ترازم ترازم
وخذ من نقود(ن) صرفها ماتعدي
وذاك المعول حجته ماتفيده
***
الرد // فاضل الخماش
***
براكين في وسط البحر تسعر اميات
ولا عرف نهايتها ولدري عن الحد
تزم ا لبواخر وان تشاهد ترازم
عساها توقف زحفها ماتعدي
وتجتاح مالناس الذي ماتفيدة
***
البدع // من الشبح
***
بعد ماعرفنا وين الاحيا والاميات
علومي بديناها وهي صدق من جد
ردمنا وصفينا بير مايها جم
ترى واضح (ن) للناس مزحي وجدي
عصاة العتم تكسر وماهي حديده
***
الرد // فاضل الخماش
***
أنا مابصّرف لك دراهم ولاميات
بصرّف حكم والعرف موروث من جد
ولانبنهاجم واحداً مايهاجم
علوم الوفاء من عهد جده وجدي
واظن الشبح يدري بمقصد حديده
***
البدع // حسين المالكي
***
مع اهل الوفاء لو جت علينا منيات
نتابع مثايلهم ونفرح وننشد
ويا من رسمت الساس دم البناء دم
تقر المباني الشامخه ما تهدي
قصر دونها رمي المعادي وكيده
***
الرد// من الشبح
***
أنا ودي اتنشدك واعرف من ايات
وفي منتدى الاجواد نقصد وننشد
تمهل بروحك ع الخطر يا بناء دم
تعديت من جنبي سعي ماتهدي
انا خاف من رميه تصيبك وكيده
***
البدع // من الشبح
***
ترى الدرب مظلم فيه شوك(ن) وحيات
جبل نيس مايغبى وبالنظره أبعد
من الجائزه ينشاف حتى من أضم
معا أهل الصبر ياشيخ عبرت مدي
من اقصى التهم حتى تصل جربيده
***
الرد // من ابويزيد
***
من اصحابنا نسمع ونوحي وحيات
ولكن تجنب ع المخاطير وابعد
ترى عندنا اكبر من جبل نيس واعضم
وخل اليمين القاصره ماتمدي
ترا المتهم للسجن قد جر بيده
***
البدع // من ابويزيد
***
ترا العين ما تعجز بنظره وشيفات
وبعض السوالف من غلاها ماتنقد
مثيل الجدار الي يجي عل بني عم
وفى المعركه نسمع صهيل الجوادي
ومن طبعنا نحمي الحدود البعيده
***
الرد// من الشبح
***
أنا أتذكر الحاضر بخيره وشي فات
ونصرف جنيهات الذهب ماتنقد
وحنا مع الملك رفاقه بني عم
وربك كريم(ن)يعطي الي جوادي
وهيض (ن) بنيته للقوافي بعيده
***=
البدع // من الشبح
***=
ترى الحج له موعد وساعه وميقات
والابواب للغاوي تراها ترصد
ونا اننشد ودورللقلوب المعاصم
اهرج معك وضحك من اقصى فوادي
وراع المكايد مات ماحركيده
***=
الرد // من ابويزيد
***
يسيدي لنا موعد وحزه وميقات
وذا كان لك وجهين مني تر صد
وخل البكم يشيخ تمشي معاصم
ولوكان تحدوني من اقصا فوادي
اباشر لسيد الكل اذ حرك يده
***
البدع // حسين المالكي
***
عرفنا الذي وافي ومن عزل ابيات
نقود التجاره والمتاجر تبـي عـد
ويا ليت عيني يالرفاقـه تراكـم
ويا ولد عمي ضيفنا ويش ارادي
بنعطيه مطلوبه وله مـا يريـده
***
الرد // من ابويزيد
***
هلا ياحسين ابدع لنا عز البيات
وخل الذي عنا وعنكم تبيعد
تراكم عليه الوقت والهم تراكم
وساقه ربا مايعرف الى شرادي
يشوف العد الازرق وهو مايريده
***
البدع // من الشبح
***
حليل الذي دايم عظامه ونيات
يسابق بخطواته وهو من وراء ود
متى يحسب المحصول بعد المواسم
ترى رمينا للخصم رمي الوكادي
تحيه لكم يا اهل العلوم السديده
***
الرد // حسين المالكي
***
هلا مرحبا بك لك محبه ونيات
تقدم وشارك بالقصايد وراود
ولا تلتقي ضرب الحدود المواسم
ترى خصمنا لو هو تمادى وكادي
نصده نحده للدروب السديده