زايد بن عوض وبن حبيش وعقاب بن حمزه
- محاورات عرضه مجالسي قلطه
- 3/9/2012
- 2535
البدع // زايد بن عوض
***
زايـد يـقل يا عـقاب الـلـيـلـه الـلـيـلـه
ريض وخذ ما تـبي من عـين ابو سالم
معي لك الـحان يالـغـالي وشي ثـاني
والله يــا كـبــرهــا نـــيـــه نـويـنــاهــا
***
الرد من بن حبيش
***
يـا مرحـبـا كل واحد يـاخـذ الي لة
ولي بعـد عالـخسـارة راس ابو سالم
ولا تـقـل عالـمواقـف حـل وش الثاني
نـقـدر نـهـد الـجـبـال ولـو نـويناهـا
***
بدع //عـقاب بن حمزه
***
يامرحبا قـدم قوم(ن) يـنقض الحـيله
الله درى بالخــواطـر والله العالـم
اني من الـعام ادور لك وانا عاني
وصحـبـتـك بــين خلق الله شريناها
***
الرد// زايـد بن عوضه
***
بقـيـت والـشـور الاعـسـر يـنقض الـحي لـه
ولا غــويــت الـفــتــاوي ولــهـــا الـعــالــم
دعـيـت بـاسـمـك وانـــا قـاصــد وانا عـانــي
تــمــد كــــف الـجـمـايـل والــشــر يـنـاهــا
***
بدع //عـقاب بن حمزه
***
يامن دعانــي بـجود بـنّـكم هـيـله
عـلى الرحب والـسـعه ياضيـفـنا القادم
هجوسنا ماتجـيـنا من عدم داني
يازين حكم الوجـوب الي وجـبـناهـا
***
الرد// زايـد بن عوضه
***
يا زين من يـاخذ عـلامه عـلى مهـيله
اللي عـلى طـايـره واللي على قادم
بـغـيت اجـيبه ولكن ما عـد امداني
مراكز الصـيف والوسـمي وجب ناها
***
البدع //بن حبيش
***
الي دعيت ابن عمك وش تداعيلة
انحن دروعك وسف الكف والخاتم
واليوم خاويتلي روقي وشيبانـي
على المذاهب معاهم ماهدمناهـا
***
الرد// عقاب بن حمزه
***
حنا هل المنتدى والمنتدا عيله
اليا بدا بادي(ن) واليا ختم خاتم
يشهد على قولنا جاهل وشيباني
خل الاماني تجي ونمهد مناها
***
البدع // بن حبيش
***
بهلول ربي يجيرك من بهـا ليلـة
يفطر برمضان ولكن با لفطر صايم
تراء الصداقة بناها جـدك الفانـي
ونحن على عهد جداني شريناهـا
***
الرد// عقاب بن حمزه
***
خلك كما بدر يضوي في بهاليله
نوره تجلا في اقصا بر واقصا يم
من فعل جدي وجدك دوم ولفاني
والا فعول الردي والاش اريناها
عدد المقيّمين 0 وإجمالي التقييمات 0
أضف تعليقك على الموضوع