وادي الضماء وعطيه بن عقدان
- محاورات عرضه مجالسي قلطه
- 10/9/2012
- 2053
- الخلاوي
البدع// عبدالرحيم بن علي (وادي الضماء)
***
سلامي سـلام الله منـا ومنـا
حسبنا مع الايام طول الليالـي
زعلتم علينا وان رضيتم رضينا
قصار الليالي غير عندي طوالي
***
الرد // عطيه بن عقدان
***
هلا مرحبا ياشاعراً غاب عنّا
مثيل القمر لاغاب سد الجبالي
حشى مازعلنا وانت فينا ومنا
وجودك يشرفنا على كل حالي
***
البدع// عبدالرحيم بن علي (وادي الضماء)
***
يدوم البقـا يالـي لجلنـا تعنـا
نحب الجنوب ولو سكنا الشمالي
حيات النكاده كيف منها أتهنـى
وكيف الحرام يصير ياخي حلالي
***
الرد // عطيه بن عقدان
***
كتب ربنا رزقك وحاذر تجنـا
شمال الشمال اديار فيها جمالي
حياتك ترى ماهي على ماتمنى
تجيك الضروف اخفافها والثقالي
***
البدع// عبدالرحيم بن علي (وادي الضماء)
***
قصوراً تشيـد عزهـا كـم تبنـا
على طولها ماريت فيها ضلالـي
زماناً مضا يخوك الى كيـف كنـا
قبل نعرف الموضه وياجي اتصالي
***
الرد // عطيه بن عقدان
***
ترانـا رجـال اليـوم ياشايفـنّـا
عسى الله يجملنا بحسـن العمالـي
مع الحاضر احضر خل عهد المثنّى
وعايش زمانك في جديد المجالـي
***
البدع// عبدالرحيم بن علي (وادي الضماء)
***
جديد الزمن سبب لنا ومتحنـا
وانا مع هله ماني بطيب وسالي
مع جرت الالحان والفكر غنـا
وياكم وياكم ياخوي ما جرا لي
***
الرد // عطيه بن عقدان
***
ترى التكنلوجيّات في كـل فنـا
ومافات مات وصار حلم وخيالي
انا آموت في الوقت الذي ريّحنا
ووقت الشقاوه راح في مامضالي
***
البدع// عبدالرحيم بن علي (وادي الضماء)
***
على مامضى تعبه وقلبي يونـا
أبدعي عسى الغالي يعود لغالي
وسميه يوم العيد فالكـف حنـا
وطيب النفل يزهى بميلت عقالي
***
الرد // عطيه بن عقدان
***
بعد رحت لارض الشام قلبك تشنّا
نسيت اهل ديرتنا وصرت انعزالي
قلبت اردني واصبحت من قوم حنّا
ومال العقال وبعده الراس مالـي
***
البدع// عبدالرحيم بن علي (وادي الضماء)
***
ترى كل شبراً في البلـد مـن وطنـا
ولولى الوطن وش مكسبي وراس مالي
تـدور الـدوايـر ليتـنـا مانجـنـا
بعاض البروق تلـوح والنـو خالـي
***
الرد // عطيه بن عقدان
***
اجل لاتضايـق وانتبـه لاتونّـا
وخلك بطل واحم البحر والرمالي
اذا الحرب قامت والمدافع تدنّـا
ابي منك تثبت لايجيك الخبالـي
عدد المقيّمين 0 وإجمالي التقييمات 0
أضف تعليقك على الموضوع