ابكي جفاها وقلبي كل ما آنا بكيت

القلب قلبي ... واعرفه زين مهما نويت

أنسى .. ابـد مايطاوعنـي بنسيانهـا

يحبها حب. . ماعمري سمعت ورأيـت

مثله .. ولاحب ابوها وأقرب أخوانهـا

ابكي جفاها وقلبي كل ما آنـا بكيـت

كنّه يقلّي تحمّل .. بس علـى شأنهـا

ياقلب كانك بصدري كيف بي مادريـت

وانا سنين اشتكي من ويـل هجرانهـا

وان كان لليوم في حب الشقا ما انتهيت

أذكّرك .. كيف خانت عهد من صانهـا

ياقلب حتى ولـو نسّيتنـي مانسيـت

بالذات يومي معك نسترجي احسانهـا

يوم أنني بعت عمري لاجلها واشتريت

وهي ترد العطا .. مـن زود نكرانهـا

هدّيت بابك وقلت ابني لها فيـك بيـت

قامت وصكّت بوجـه الحـب بيبانهـا

سألت نفسي بعَدها.. له أنـا مالقيـت

سبب.. يخلينـي أكثـر واحـدٍ خانهـا

عرفت بأني في أول درب منه أبتديـت

مشى معي قلب .. وإيمانه من إيمانهـا

طّيب وصداق مهما قلـت والا حكيـت

يبقى لها دون هـذا لاكـون عنوانهـا

حتى ولو طال تعذيبي ومنهـا شكيـت

محال قلبـي .. يطاوعنـي بنسيانهـا

عدد المقيّمين 0 وإجمالي التقييمات 0