وادي الضماء والشيخي

 
محاوره قلطه بين الشاعر وادي الضماء والشاعر حامد الشيخي
  
***

الـــبـــدع // وادي الــضــمـــا

*** 
في منـزل اهـل الجـود والمذهـب العريـب
يامرحبـا ترحيبتـا تذكـر ويكتـب طيبـهـا
 
اللذيب يعوي في الجبل وليا عوا يعوي لذيـب 
والملعبـه ياحامـد الشيخـي بيعـوي ذيبهـا
***
الـــــــرد // حـامـد الـشـيـخــي

*** 
لك البقا والطيب ياالصاحب نرده بالـف طيـب 
طيبـاً مـورث للشبـاب مورثـه شيابـهـا
 
القلب ماهمه عجيب انكـان ماهمـه عجيـب 
كل العلوم الغانمـه يابـو علـي تـدري بهـا 

*** 

الـــبـــدع // وادي الــضــمـــا 

***

اهل العجب ياصاحبي ماقالوا الى شي غريـب
أنته من اهـل الطيـب واهلـك تنعـرف فـي طــيــبـها

الطرق حامي والمعاني من ذهب خلـك قريـب 
سود الليالي يابـو بندرطاميـه فـي غيبهـا 

*** 
الـــــــرد // حـامـدالـشـيـخــي
***

ابـشـر بهـادامـك تبـيـنـا مانـغـيـب
والدره الي وسط قـاع البحـر لـك بنجيبهـا
 
وانا طبيب انكان ماحصلت باقـي لـك طبيـب
وامراضك الي مزمنـه ابشـر بـداوي طبهـا 
*** 
الـــبـــدع // وادي الــضــمـــا

***

الي مـداوي ياطبيـب المعرفـه لازم يجيـب
خذهـا وعطهـا والمعانـي بيننـا ترتيبـهـا
 
الجرح من دون الطبيب الاستشـاري مايطيـب
 ياشيب عيـن الـي دعـاك تطببـه ياشيبهـا 
*** 

الـــــــرد // حـامـدالـشـيـخــي 
*** 
دام العلوم مسنـده فالمـا ورد قـاع القليـب 
والدلو من غير الرشا يابو علي وشلـي بهـا
 
بكويـك وداويـك مابيـن الغـوارب للعطيـب 
ياأنك تصح من المرض ولا أنك تهـذري بهـا 
*** 

الـــبـــدع // وادي الــضــمـــا 
*** 

والله وافي وانت من قوما(ن) يضدون الحريب 
احـذر يدينـك من سيوفـا(ن) حـدبلاتمي بها

 
واحكم ضميرك وانتبه ياراعي العقـل اللبيـب
 لى كويت ايدك بتبطـي والله ماتوحـي بهـا 

*** 

الـــــــرد // حـامـدالـشـيـخــي 
*** 

مسلم ولاني من يهود الشمس ولا اهل الصليب 
المعرفـه فـي معهـد العـراف بتـدري بهـا 

مادام مثل النار توقد في السماء ولهـا لهيـب 
انا سحابـه ممطـره نـارك تطفـي لهيبهـا 
*** 
الـــبـــدع // وادي الــضــمـــا 
*** 

اقول وردها حياض الموت واشـرب ياشريـب 
والروسي الي ماتـذب الريـح لاترمـي بهـا
 
بشب ناري في ((تبوك))تنوش راسك في طريب 
والليلـه الـي أشـب فيهـا نـار ماتسـري  بـــهــا

*** 

الـــــــرد // حـامـدالـشـيـخــي 
*** 
توجه الشكوى علـى غيـر طالـب ياطليـب 
ماعـاد تنفعـك الحجـاره تبـي تلـوي بهـا

 
تجيبـك الايـام مالـك مـن ايدينـا هريـب 
وبعـض النقايـد خلهـا ياصحيبـي سيبهـا 
*** 

الـــبـــدع // وادي الــضــمـــا 

***

بجرد اسيوفي في الضيـق واليـوم العصيـب 
ولا ياحامـد نقلـت الجمـر ماتكـوي بـهـا

 
في ذمتـي يـارض الوفـا ماتشابـه تلبيـب
دعـواك لاعـد تفـتـح بابـهـا وتسيبـهـا

***
الـــــــرد // حـامـدالـشـيـخــي
***
لليلك عبوس قمطـري وماقفـك والله رهيـب
ختـم سواليفـك علـى مبتـدى تنصيبـهـا

 
يابو على القيفان وش بيـن القـاف الغريـب
والناس ماتـدري عـن السـوق وش يشـري بـهـا