السواني قبلها ورد وصدور

المزارع كانت اول والقصـور

ترتوي لاصـار فيهـا مكيّنـه

والسواني قبلها ورد وصـدور

والأوادم جـلّـهـا مـديّـنـه

الظفاره رمز والفزعه شعـور

والوفاء بالنـاس دوم تعيّنـه

والكرم ماغاب اول له حضـور

النوايا البيـض كانـت بيّنـه

والزمن هذا تغيّـر بـه امـور

والتناقض بين قـاس وليّنـه

كم شجاع ٍ مسكنه وسط القبور

وكم خبل ٍ كـل امـوره هينّـه

واكثر نفوس البشر فيها غرور

والبخيل القضـب دوم يشيّنـه

كم قطامي عاقه الوقت الحضور

خايف ٍ لو شاف شخص ٍ ديّنه

وكم سفيهن زانت بوجهه امور

لـو تمـادى ماتعـدّى مكيّنـه

ذي حقيقه سقتها عبر السطور

حالنـا يالله انــك اتزيّـنـه

عدد المقيّمين 0 وإجمالي التقييمات 0