السهر الليل والدمعات وعيون الشقاوي
- الشعر الشعبي والنبطي والفصيح
- 10/12/2012
- 7351
- - الشاعر/ علي بن حمري (منقول) صحيفة الجزيره
| الـسـهـر الـلـيل والدمعات وعيون الشقاوي والـعـنـا والـهـم والحرمان والنفس الحزينه والـقـمـر والشمس والقطبين والنجم السماوي والـرعـد والـبـرق والـهمّال والسيل ودنينه والـوعـد والـعـذر والسجّات وجياع الهقاوي والـغـلا والـصـد والأحـلام والعمر وسنينه والـدفـا والـبـرد وابـيات القصايد والغناوي والـبـيـوت الـطـين وأحلام القراوه بالمدينه كـلّـهـا مـريـتها فيك أنت يا عذب الحراوي عـقـبـهـا مـر الهوى مختال يسفه عاذلينه الـهـوى مـاهـو بـيوم ويوم ما قلبك هواوي عـاشـقـك لـو صَـبّ لك دمّه وموَّلك بونينه والله إن يـصـبـر لها قلبٍ على وصلك فداوي دامـك أغـلـى مـن تربّع في وسط قلبه وعينه حـن لي دامي نسيت السيف والبشت الحساوي سـرت فـي وقـتـي كذا والعمر تقضبني يدينه كـيـف أبا اقسى وانت حبك ماخذٍ حالي رهاوي وان زعلت ازعل على الهزله ولا أزعل عالسمينه وانـت قـسـمه ما يمد إلا على الكفو الحياوي مـا يـمـد الا عـلـى مالطيب ينبع من يمينه لـو تـكـاثـرتـك حمدت الله واعتقت الدعاوي اشـكـره واسـتـغـفره وامد حبلي واستعينه لأنّـك أغـلـى مـن غلا اللي بيننا دم وعزاوي شـفـتـك أقـرب من قريبٍ حال ما بيني وبينه الـزمـن والـنّـاس والـهراج وكبار الحكاوي جـيـت وأمـليت الفراغ وصرت للخاطر ضنينه لـو سـمحت اظهر لهم خل الذي زرعه سناوي شـافـك يـدري إن الـمـاء على زرعه غبينه بـس أنـا لـي حاجةٍ تنعد من ضمن الرجاوي لا تـطرّي لي السفر.. طاري السفر ديني ودينه لـو سـمـحت تغيّر الموضوع لعيون الشقاوي والـسـهـر والـليل والدمعات والنفس الحزينه |
عدد المقيّمين 1 وإجمالي التقييمات 1
أضف تعليقك على الموضوع