من اروع ماقاله الشاعر محمد بن حوقان

الشاعر محمد بن حوقان المالكي

هذه القصيده الرائعه قالها الشاعر الكبير المبدع دائما محمد بن حوقان عندما زار صاحب السمو الملكي ولي العهد مع مجموعه
من مشايخ بني مالك قصيده رائعه وجميله تسلم ( ابو خالد) على هذا الإبداع .

***

ياسـلام الله عـلى تـاج الـمكارم والأمانه
راعي الطولات والصـولات والكف الكريمه

من جنوب الخير من درع الوطن من عنفوانه
من بلاد الخير والأمطار من غيـمه لغـيمه

من بني مالك لفـينا والوطن قـدره وشأنه
من طبايعـنا وفطـرتنا وعـادتنا السليمه

للقـياده فـي دمانا عهد سابق فـي مكانه
عهـد يتجدد مع الأيام فـي قوة عـزيمه

سيـدي جـينا وخيل المـجد مطـلوقا عنانه
لمّـر سـيدنا وقـايدنا ملكنا الله يـديمـه

وأمر أبو متعب عزيز القــدر مرفـوع المكانه
صاحب النخـوه بعيد الهقوه إمجود غريمه

الشـهامه والكـرامه والعـروبه والـديانه
والشجاعه والوفــاء والحزم والكف الرحيمه

ياطـويل العمر جيـنا ندحر أصحاب iiالخيانه
صـف واحـد كلنا ضـد المفـاسد والجريمه

كلنا ياسيـدي والله لطوع أمـرك رهـانه
إدعنا تلقـى الرجال أهـل المهمات العظيمه

أي نعـم نشجب ونسـتكر ونعـلن بالإدانـه
فعلت أصـحاب الردى راعيــن الافعال الأثيمه

ماحـصل فـي عاصـمتـنا من قليلي الديانه
مايسمـى إلى خيانة مغرض أفكاره لائـمه

أزهق أرواح البشر ياطيش عـقل إبلا رزانه
شوه الدين الحنيف أصحاب الأفـكارالعقـيمه

دينـنا العادل بري منهم وفعـلتهم مدانه
ياخفافيـش الظلام الغدر عـاقـبته وخـيمه

ليت من يدفعهم الشيطان بافكار العانه
يعـرفون إن الدروب المستقيمه مستقيمه

ماتجي بالقـتل والتدمير والغدر أوسنانه
أُولا بسفك الدم وترويع وعقـول السقيمه

والوطـن لوقـدروا شأنه ونعمته أو جنانه
كان والله ماتنادوا يطعنونه في صميمه

جـاحدين فضله ومعـروفه ولمست حنانه
ونكروا قدسـيته واسمه و مبـداه أو نعـيمه

يعقبون الظالمين أهل التدابير الجبانه
الحـثاله مالها فـي ذمة التاريخ قـيمه

والحقــير الي خسردينه وخـان العهد خانه
خاسراً دينه مع دنياه يامال العديمه

ممكتنا عن تدابير العبث تبقى مصانه
طاهره تبقـى بعون الله وتدبيره حشيمه

أرضنا منها قراء التوحيد للعـالم بيانه
أرضنامهد الحضارات الجـديده والقديمه

من خلقنا الله وحنا صف مترابط كيانه
مايفرقـنا الزمن وأصحاب الأفكار الذميمه

للوطن في دم الأحرار الكـرام أكبر حصانه
والوفـاء والتضحيه ميزة قويين الشكيمه

والفتى مهما كبر ماله بدون الأرض خانه
مثـل ماقـيل الخيانه ذل والغربه شـتيمه

والوطـن قصـراً وقبر أوتضحية حب أوميانه
والخيانه فـي تراب أرضه جروحا مستديمه

والله إنا جيشكم وقرب لكفك من بنانه
هيبـتاً للدين والدوله ولظالم ظـليمه